“Moenie ’n weldaad weerhou van iemand aan wie dit toekom, terwyl dit in jou mag is om dit te bewys nie.” (Spreuke 3:27)
NG Kerk Stellenbosch-Wes
Dink jy dikwels daaraan om iets goeds vir iemand te doen, maar dan praat jy jouself daaruit of laat toe dat andere jou van plan laat verander? Dalk is dit ’n daad van goedgesindheid, ’n vriendelike woord of ’n manier om iemand te help of te dien.
Indien dit gebeur, weerhou jy dalk iets goeds van die mense om jou.
Wanneer die begeerte by jou opkom om te gee, weerstaan die versoeking om jou goedgesindheid terug te hou en kies om soos God te wees, wat nie enigiets goeds weerhou van hulle wat reg doen nie (Ps. 84:12).
Verder moedig die Skrif jou aan om te: “Gee, en vir julle sal gegee word: ’n goeie maat, ingestamp, geskud en propvol, sal hulle in julle hande gee. Met die maat waarmee julle meet, sal ook vir julle gemeet word” (Luk. 6:38).
Besef dat jou onwilligheid om aan andere te gee kan meebring dat dit teruggehou word wat andere vir jou wil gee. Neem ’n bewustelike besluit om ’n gewer te wees indien jy die vermoë het om dit te doen.
Gebedsfokus: Die Boek Spreuke.
Dankie Vader, in Jesus se naam bid ek,
Amen
Vind nog verse in die Skrif wat jou sal aanmoedig en help om te fokus op God.
Kontak die gebedsbediening vir enige vrae: E-pos: [email protected].
Deel asseblief hierdie gebedsfokus met iemand wat jy dink daarby sal baat.
