“Hy sal ons ons sonde nie bly toereken en nie vir ewig toornig bly nie.” (Ps. 103:9)
NG Kerk Stellenbosch-Wes
God se wil is dat ons sy eienskappe moet navolg sodat dit ons lewenstyl kan word. Die Skrifaanhaling sê dat God ons nie voortdurend sal berispe of straf en nie vir ewig vir ons sal kwaad bly nie. Hoe mooi van ons Vader om so teenoor sy kinders op te tree! Hy word kwaad wanneer ons Hom nie gehoorsaam nie, maar Hy verwerp ons nie; Hy berispe ons in liefde en wag geduldig dat ons leer om die regte ding te doen. Net so sê Hy dat ons kan kwaad word, maar nie so dat ons daardeur sondig nie; ons moenie ons woede toelaat om in ons harte te bly sodat ons later verkeerd doen nie. Dus: ons moet gou weer die rug op ons woede draai (Ef. 4:26-27). Indien jy maklik kwaad word is dit tyd dat jy daaraan werk en soos ons hemelse Vader word. As jy ’n ouer is, moenie jou kinders in woede bestraf nie, maar wys hulle in liefde tereg en wag geduldig dat hulle leer om te doen wat reg is.
Gebedsfokus: Moenie jou kinders in woede bestraf nie.
Dankie Vader, in Jesus se naam bid ek,
Amen
Vind nog verse in die Skrif wat jou sal aanmoedig en help om te fokus op God.
Kontak die gebedsbediening vir enige vrae: E-pos: [email protected].
Deel asseblief hierdie gebedsfokus met iemand wat jy dink daarby sal baat.
