Alexanderstraat 3, Stellenbosch. TEL: 021 886 5132.

NG Kerk Stellenbosch-Wes Gebedsfokus – Datum: 03 Oktober 2019

JY IS GOD SE KIND.

NG Kerk Stellenbosch-Wes

“Maar aan almal wat Hom aangeneem het, dié wat in Hom glo, het Hy die reg gegee om kinders van God te word.” (Joh. 1:12)

Al wat jy moet doen om God se kosbare kind te word, is om Hom te vra om in jou hart te kom en jou lewe te bestuur. Om “weer gebore” in Christus te wees maak jou geestelik lewend en plaas jou in God se familiekring as Sy kind. Hy maak van jou ’n nuwe mens in Sy Koninkryk.

God het vooraf reeds besluit om ons in te sluit in Sy familie deur ons na Hom te bring deur Jesus Christus. Dit is wat Hy wou doen, en dit het Hom behaag. (Efesiërs 1:5)

Die feit dat God dit vooraf besluit het, is nog ’n teken dat Hy die werk doen, nie ons nie. Hy het in die persoon van Jesus na die wêreld gekom, en Hy is die een wat ons siele red. Hy wou hierdie dinge doen en ons redding is wat Hom behaag. Laat dit jou nie baie goed voel nie? Jy is doelbewus uitgekies, gered en aangeneem deur die God van die heelal.

Gebedsfokus: Hy maak jou ’n nuwe mens.

Dankie Vader, in Jesus se naam bid ek,

Amen

Vind nog verse in die Skrif wat jou sal aanmoedig en help om te fokus op God.

Kontak die gebedsbediening vir enige vrae: E-pos: gebedsbediening@stellenboschwes.co.za.
Deel asseblief hierdie gebedsfokus met iemand wat jy dink daarby sal baat.

Verwante plasings via kategorieë